Асоцијацијата на земјоделци и фармери на Македонија бара млинарите да ја намалат цената на лебот на 20 денари, затоа што домашната пченица во 2024 година ја купиле по цена од 9 до 11 денари за килограми. Сегашната цена на лебот од околу 30-тина денари, била превисока.
„Уште веднаш цената на лебот да биди 20 денари. Затоа што откупната цена на пченицата беше од 9 до 11 денари, сега може на берза да минимално повисока, но сепак млинарите ја откупија пченицата по цена од 9 до 11 денари“, вели Перо Стојкоски, претседател на Асоцијацијата на земјоделци и фармери на Македонија.
Според сопствениците пак на пекарите, тоа е прениска цена за трошоците кои ги имале моментално затоа што пред 10-тина години со далеку помали трошоци цената на лебот била 25 денари, а сега 30.
„Значи со зголемување на производството на пченица и пласирањето на нашата пченица во млиновите би требало да се намали цената доколку биде само наша македонска пченица. Но млинарите земаат и наша пченица и српска и унгарска. Така што цената на брашното излегува повисока. А според таа цена се определува и цената на лебот“, рече Алексдандар Ристески, сопственик на Пекара.
Од Асоцијацијата на земјоделци и фармери на Македонија бараат исто така и намалување за 50 проценти на хемиските препарати во земјоделските аптеки.
„Пример логрант заштитно средство за 1 хектар пченица ако го купиме дома тоа е од 400 до 500 денари, а во соседните држави цената е 100 денари. И предлагаме под итно да се намалат цените на сите земјоделски препарати за 50%“, додаде Перо Стојкоски, претседател на Асоцијацијата на земјоделци и фармери на Македонија.
На Македонија годишно и требаат околу 360.000 тони за да ги задоволи своите потреби, а произведуваме како држава само околу 230.000 тони. Овие 130.000 тони Македонија за жал никако да ги постигни.
