Господине Хоџа, зошто вие дозволувате да има незадоволство кај земјоделците и простор за манипулација? Зошто не обезбедите нормални услови за нормално функционирање на пазарот на земјоделски производи? Се вели во писмeната реакција која до нас ја упати основачот на здружението Тутунска надеж, Васко Јосифоски.
„Зошто не си ја сработите работата за која што земате плата? Наместо да обвинувате други, земете, сработете нешто и релаксирајте ги односите помеѓу земјоделците и откупувачите. Вие сте единствениот манипулатор во сите овие случувања. Вие гарантирате нешта за кои не сте во состојба да ги остварите. Дали сте свесен дека вие сте убедливо најлошиот министер за земјоделие? Уште никој не ви кажал дека треба да поднесете неотповиклива оставка? Е па, време е господине министер“, вели во писмената реакција на Васко Јосифовски.
