Натпросечни температури до 41°C и висок УВ индекс и во наредните денови

Времето денеска ќе биде сончево и многу топло со мала до умерена локална облачност. Дневните температури ќе бидат над просекот за овој период од годината, поради што ќе биде активирана жолта, а во југоисточниот дел од земјата портокалова фаза за опасност од високи температури. Ќе дува слаб до умерен ветер од северозападен правец. Максималната температура ќе биде во интервал од 34 до 41 степени. УВ=9

Во Прилеп и регионот, температурата ќе се движи од 16 °C до 37 °C.

УХМР со актуелно предупредување:

Денес и утре времето ќе биде претежно сончево и многу топло со натпросечни температури за овој период од годината. Со прогнозираните температурни вредности ќе биде активирана жолта, а во југоисточните подрачја, каде максималните температури повторно ќе надминат 40 степени, портокалова фаза за опасност од високи температури.