НОВО во GALA WASH Прилеп !!! Перење на патосници - Антибактериски мирис - Црнило за гуми
Повеќе од 81 милион евра е најновото задолжување на државата на домашен терен. Од денес на Берзата котираат две нови обврзници вредни 24,2 и 57,3 милиони евра. Едната е петгодишна, другата 15-годишна.
И двете државни обврзници се без девизна клаузула, а издадени се вчера – 7 март.
Вредност на првата емисија е 1.491.000.000 денари или речиси 24,2 милиони евра. Издадени се 149.100 хартии од вредност од овој вид, со номинална вредност за обврзница од 10.000 денари. Носи каматна стапка од 4,2 проценти, а датум на достасување е седми март 2029 години.
Втората емисија е вредна 3.531.490.000 денари, односно 57,3 милиони евра. Издадени се 353.149 обврзници, со номинална цена, исто така од десет илјади денари. Овие хартии од вредност се со повисока стапка – 5,6 проценти. Доспеваат на седми март 2039 година.
