Приведени 24 лица, 18 повикани на разговор поради сомнение за подметнување пожари

МВР известува дека во периодот од 03.08.2021 до 15.08.2021, во координација со Јавен обвинител се приведени/лишени од слобода 24 лица, уште 18 се повикани во станица на разговор, поради постоење основи на сомнение дека подметнале или предизвикале пожари.

Поднесени се две кривични пријави против две лица по член 288 (предизвикување на општа опасност), и тоа од ОВР Прилеп и СВР Струмица, две кривични пријави против 3 лица по член 227 (предизвикување на шумски пожар), и двете од ОВР Дебар.