По повод празникот „3-ти Ноември“, по 7-ми веќе традиционален пат, Ротари клубот од Прилеп го одржа својот хуманитарен уметнички хепенинг. Младите уметници од клубот пред домот за култура „Марко Цепенков“ ги цртаа своите дела. Настанот го посети градоначалникот на Општина Прилеп, Илија Јованоски кој ја поздрави оваа хуманитарна акција на Ротари клубот.
„По повод празникот „3-ти Ноември“ – Денот на ослободувањето на Прилеп во 1944 година, денеска Ротари клубот од нашиот град го одржува овој уметнички хененинг. Сакам да истакнам дека јас како градоначалник ја поздравувам и поддржувам оваа акција. Клубот успешно работи многу години и има направено голем број донации. Се надевам дека овие акции ќе продолжат и во иднина“, рече Илија Јованоски, градоначалник на Прилеп.
Делата од овој уменички хепенинг ќе се продаваат, а средствата ќе бидат донирани за основното училиште во населеното место Заполжани.
„Чест и задоволство ми е да поздравам овој 7-ми по ред уметнички хепенинг на Ротари клубот кој што се одржува по повод нашиот празник „3-ти Ноември“. Средствата собрани од оваа донација годинава ќе се донираат за основното училиште во населеното место Заполжани. Мотото на Ротари е дружење и помагање на општеството и заедницата каде живееме. Годинава славиме 10 години од постоењето на нашиот клуб и во месец април ќе се одржи свеченост на која ќе се продаваат овие дела“, изјави Бранко Јованоски, претседател на Ротари клубот од Прилеп за 2017 и 2018 година.
