Новиот генерален секретар на ОБСЕ, Томас Гремингер, утре доаѓа во прва посета на Република Македонија, соопшти македонското МНР.
Гремингер ќе се сретне со шефот на македонската дипломатија Никола Димитров, а ќе се разговара за новата општествена клима во земјава, за соработката со ОБСЕ и за поддршката што ја дава во процесот на европската и евро-атлантска интеграција на Македонија. Гремингер ќе има состанот и со премиерот Заев.
Посетата на Гремингер се совпаѓа со 25-та годишнина од воспоставувањето на Мисијата на ОБСЕ во Скопје и претставува прва посета на Балканот откако стана генерален секретар на ОБСЕ во јули месец оваа година.
