Францускиот амбасадор вети поддршка и помош за Општина Крушево

Share on facebook
Facebook
Share on twitter
Twitter
Share on email
Email
Share on print
Print

Амбасадорот на Франција во Република Македонија, Кристијан Тимоние, денеска го посети Крушево и оствари работна средба со градоначалникот Томе Христоски.  Тимоние заедно со Христоски, претседателот на МАНУ академик Таки Фити, потпретседателот на МАНУ Владо Матевски и рекоторот на УКИМ Никола Јанкуловски ги посетија и галеријата на Никола Мартиноски и полетувалиштето за параглајдинг на Мечкин Камен.

 

Од Општина Крушево соопштија дека францускиот амбасадор при кратката прошетка низ центарот на Крушево ги согледал и потенцирал дел од проблемите со кои се соочуваат граѓаните и ветил дека ќе остане во комуникација со Општина Крушево и ќе понуди помош и поддршка за новата локалната самоуправа.

 

„Не сакаме да бидеме изолирани, нашата Општина нуди многу и таа ќе биде отворена и постојано ќе остварува средби со претставниците на другите земји во Република Македонија“, изјави градоначалникот Христоски.

 

За Христоски средбата со Тимоние е само почеток на нова комуникацијата која Општина Крушево има намера да ја воспостави и одржува со претставниците на сите земји од ЕУ.

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи