ВИДЕО – Шчербак : Македонија и Грција треба да најдат решение кое ќе одговара и за двете држави

Share on facebook
Facebook
Share on twitter
Twitter
Share on email
Email
Share on print
Print

Македонија и Грција треба да најдат решение кое ќе одговара и за двете држави, затоа што ние и на двете држави гледаме како на независни и суверени, истакна вечерва во Прилеп, амбасадорот на Русија во Македонија, Олег Шчербак.

 

 

„Многу е битно таквите прашања да се решаваат преку преговорите и врз основа на почит и взаемен интерес. Русија ја гледа Македонија како независна и суверена држава, но исто така Русија ја гледа и Грција како независна и суверена држава. Затоа двете држави, како и било кои други држави во слична ситуација, имаат можност да најдат решение кое што одговара и за двете држави“, истакна Шчербак.

 

Според него односите помеѓу Русија и Македонија давале голем оптимизам за идна плодна соработка на двете држави.

 

„Ние ги гледаме перспективите за развој на односите помеѓу Русија и Македонија со голем оптимизам. За време на изминативе 24 години поминат е голем пат и сега нашите односи имаат стабилен карактер од взаемен интерес,  воедно постои и голем потенцијал за развој на односите помеѓу двете земји во сите сфери. Тука се и економијата, трговијата, инвестициите, политиката, културата и сите сфери кои што имаат заеднички интерес. Многу е битно дека нашите односи имаат цврсти историски и духовни темели. Соработката ја зацврстува взаемната доверба и темелите за заедничко движење напред“, додаде Шчербак.

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи