Вчера Советот на Општина Прилеп, т.е. советниците на мнозинството ја изгласаа лагата на градоначалникот Илија Јованоски. Лагата на која укажуваше ВМРО-ДПМНЕ, СДС ја преточи во реалност. Истакнаа денеска на прес конференција од ВМРО-ДПМНЕ.
Прес конференцијата ја пренесуваме во целост.
„Тој на граѓаните на Прилеп пред изборите ни вети за 20% пониски сметки за вода. Но, со вчерашната одлука граѓаните ќе плаќаат повисоки сметки за вода веќе од наредниот месец.
Со ова на дело се потврдува лицемерието на СДС и градоначалникот Јованоски кој си дозволи да ги излаже прилепчани и да си поигра со нив, едно ветувајќи пред избори, а сега кога треба да работи во интерес на прилепчани носи сосема други решенија. Ниту го исполни ветеното намалување на цената на водата, ниту зборот е збор, како што тој милува да кажи.
Што вчера изгласаа советниците на СДС?
Цената на водата за пиење оваа година останува иста, а за 2019 е зголемена за 2% и за 2020 1.8%. Но цената на урбаните отпадни води е зголемена од 3 на 5.28 денари што е зголемување за 76%.
Цената на водата ја оставаат иста, а ја зголемуваат цената за канализација. Целокупната сметка ќе биде , повторувам значително повисока буквално за секое смејство. Ова е крајно несериозно да лажиш и да ветиш нешто за кое пред време знаеш дека ќе е лага, односно не можеш да го оствариш, а со цел добивање на гласови.
Граѓаните уште следниот месец ќе ја добијат лагата на Јованоски во своите домови и ќе ја препознаат оваа шарлатантска политика на СДС!“, рекоа од О.К. на ВМРО-ДПМНЕ Прилеп.
