Фридом хаус: Македонија бележи напредок

Share on facebook
Facebook
Share on twitter
Twitter
Share on email
Email
Share on print
Print

Македонија е единствената држава на Балканот чија демократија напредувала во последната година, оценува организацијата Фридом Хаус во денеска објавениот извештај.

 

„Демократијата се подобруваше на Балканот од 2005 до 2010 година, но сега назадува, со единствен исклучок на Македонија по ветувачката промена на владата“, се наведува во есејот кој ги анализира заклучовите на годишниот извештај.

 

Фридом Хаус ја оценува Македонија за една од „светлите точки“ во светот во однос на демократскиот развој. Земјата за првпат бележи напредок од 2010 година.

 

„Светлите точки годинава се Македонија, Узбекистан и Естонија. Промената на владата во Македонија во јуни отвори шанса да се смени долгогодишната заробеност на државата и да се решат споровите со соседите“, се наведува во извешајот.

 

Сепак, земјата и натаму останува со лоши оценки во речиси сите сегменти, а најпроблематични се слободата на медиумите, националното демократско владеење, правната рамка и независноста (на судството, н.з.), како и корупцијата.

 

Во регионот, Србија бележи назадување веќе четврта година по ред и опасно се приближува до статусот на „консолидиран автократски режим“. Рекордери, сепак, се Полска и Унгарија кои бележат најголемо назадување во квалитетот на демократијата.

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Нови атрактивни профили за учебната 2021/2022 во СОУ „Ристе Ристески-Ричко“

Play Video

Профили за уписи во I ( прва ) година во СОУ „Орде Чопела“ - Прилеп

Play Video