ВИДЕО – Општина Прилеп ќе се збратими со Општина Источно Сараево

Share on facebook
Facebook
Share on twitter
Twitter
Share on email
Email
Share on print
Print

Збратимување на Општина Прилеп со Општина Источно Сараево и воспоставување на економска, трговска, културна и туристичка соработка меѓу двете општини. Ова е исходот од денешната средба на амбасадорката на Босна и Херцеговина, Лепа Бабиќ со градоначалникот на Прилеп, Илија Јованоски, што се одржа во неговиот кабинет.

 

 

„Денеска во посета на нашиот град е амбасадорката на Босна и Херцеговина Лепа Бабиќ. Разговаравме за културните настани што нè поврзуваат како два сродни народа. Разговаравме и за збратимување на Општина Прилеп со Источно Сараево. Со задоволство ја прифативме таа понуда и мило ми е што ќе започнеме заедничка соработка со источниот дел од Сараево. Нашата соработка ќе продолжи и на економски план“, најави градоначалникот Јованоски.

 

„Немам што особено да додадам од она што го кажа градоначалникот. Но, нешто што сакам да истакнам е дека јас не сум прв пат во Прилеп и се чуствувам исто како дома. Ја започнавме приказната со Прилеп и еден од градовите во Босна и Херцеговина, поточно со Источно Сараево. Мило ми е што граѓаните од двата града ќе соработуваат на повеќе основи, а нашата соработка ќе ја збогатиме и на економски план“, потврди амбасадорката  Бабиќ.

 

На денешната средба  се разговараше и за тековни проекти и активности на Општината.

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Нови атрактивни профили за учебната 2021/2022 во СОУ „Ристе Ристески-Ричко“

Play Video

Профили за уписи во I ( прва ) година во СОУ „Орде Чопела“ - Прилеп

Play Video