Новата луксузна руска државна лимузина успешно ги помина тстовите и наскоро ќе го угости својот најважен патник, претседателот на Руската федерација.
Идејата беше претседателот да има свое посебно возило, но напоредно да биде развиена и линија за другите високи државни службеници, во која ќе влезат специјализирани возила, миниванови и SUV автомобили. Дел од производството на овие возила би биле достапни и на слободниот пазар.
По бројните тестови, Кортеж ќе биде подготвен за сериско производство подоцна оваа година, потврди рускиот министер за индустрија и трговија, Денис Мантуров. Тој за руските вести изјави дека седанот на Путин бил подложен на серија на краш тестови, а резултатите биле „позитивни“.
Точниот датум на промоција не е објавен, а претходно имаше шпекулации дека ова може да се случи на 7 мај, за време на претседателската инаугурација на Путин.
Како и да, Мантуров се надева дека рускиот претседател наскоро ќе почне да ја користи новата лимузина.
