Продолжува партизирањето на институциите во Прилеп. Хунтата на власт секојдневно си поигрува со трпението на граѓаните во Прилеп. Пипците на локалната власт допреа и до градинките. Скандалозно е објавата на медиумите дека во детските градинки во Прилеп има место само за деца на истакнати членови на СДС. Истакнаа денеска на прес конфереција од О.К. на ВМРО-ДПМНЕ Прилеп.
Прес конференцијата ја пренесуваме во целост.
Ваквиот начин на работа говори само едно, а тоа е дека оваа власт е ненародна и дискриминаторска.
Не им беше доста вработувањето на внуцит, братучедите и другите роднини, па сега по партиски клуч сместуваат и деца по градинките. Случајно или не во списоците кои излегоа во јавноста, во графата мајка, стојат имиња како Валентин, Кристијан пазари, Ирена УЈП и слично. Имиња кои потсетуваат на истакнати членови и функционери од СДС Прилеп. Ова е срамно и досега невидено.
Додека за скандалот за кој разбра цела држава молчат сите, ВМРО-ДПМНЕ под итно бара одговорност од градоначалникот, директорот на градинката „Наша иднина“ и Министерката за труд и социјална политика Мила Царовска. Дали на ваков начин се гради едно заедночко општество за сите, кое го ветуваа. Дали со дискриминација и поделба на децата на деца од вмровски семејства и деца од семејства симпатизери на СДС, граѓаните ќе добијат подобар живот.
Ова е вистински дебакл и уште еднаш докажува со каква власт граѓаните си имаат работа, во изминатите година дена на централно и шест месеци на локално ниво. За заеднички напредок потребни се проекти, а не партиски клуч за згрижување на дечињата. Проекти како што е градинката во основното училиште „Рампо Левката“, која што беше целосно завршена во месец септември, а се уште не е функционална.
Дали на штета на дечињата и нивните родители СДС го одложува згрижувањето на најмладите само со една цел, граѓаните да заборават дека тоа е комплетно реализиран проект од ВМРО-ДПМНЕ? Со ваквите дневнополитички трзалици губат најмногу граѓаните на Прилеп. Прилепчани заслужуваат подобро.
