Заев: Ако Мицкоски побара средба ќе најдам време, ќе откажам и презакажам состаноци

Share on facebook
Facebook
Share on twitter
Twitter
Share on email
Email
Share on print
Print

Од поголемо значење за Македонија е Самитот на Советот на Европа кој ќе се одржи на крајот на јуни, како и Самитот на Европската унија каде се очекуваат првите правно формални одлуки кои се однесуваат на Македонија, како што е евентуален датум за почеток на преговорите, изјави премиерот Зоран Заев, додавајќи дека Самитот во Софија не е последен рок.

 

Како што рече Заев постигнато било многу во преговорите, но она што останува не е помалку болно. Тој рече дека имал средба со претседателот Ѓорге Иванов пред тој да оди во Турција, но предмет на разговор бил предлогот за гувернер на НБРМ.

 

Со Мицкоски, рече, би имал средба кога тој и да побара.

 

„Слушав вчера дека од опозицијата бараат средба и веднаш се обидов да се слушнам со Мицкоски, веројатно поради зафатеност тој не можеше да ме исконтактира, но се договоривме денеска да се стапиме во контакт. Подготвен сум се што имам да споделам со опозицијата. Очекувам заедно да го решиме ова прашање затоа што е од огромен национален интерес. Ако тој побара ќе најдам време, ќе откажам и презакажам состаноци“, рече Заев.

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи