Шестотини полициски приправници бараат униформа и плата

Share on facebook
Facebook
Share on twitter
Twitter
Share on email
Email
Share on print
Print

Три месеци по положување на приправничкиот испит, над 600 полициски приправници се уште вршат приправнички работи, а од МВР и натаму не се донесени решенија за нивно вработување.

 

„Бараме од министерот веднаш да донесе решенија за оваа категорија вработени и да најде начин да ги обештети по основ разлика на плати и придонеси во периодот од положувањето на приправничкиот испит, до донесувањето на решение за вработување на неопределено време“, рекоа на прес-конференција од Независниот синдикат на полицијата.

 

Велат дека на секој приправник му се нанесува штета по околу 10.000 – 15.000 илјади денари месечно.

 

„Законски одредениот период за обавување на приправнички стаж од 6 месеци кој е пропишан со Законот за внатрешни работи и Колективниот договор на МВР, станува пракса да не се почитува и колегите да обавуваат приправнички стаж и по 14 месеци пред добивање решенија“, велат тие.

 

Освен решенијата, оваа категорија вработени се оставени од самиот почеток без никаква полициска униформа и се принудени сами да се снаоѓаат, купуваат и шијат. Испратиле писмо до министерот во јануари, но досега нема повратен одговор.

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи