Коѕијас бара прифаќање на еден од предлозите на Нимиц

Share on facebook
Facebook
Share on twitter
Twitter
Share on email
Email
Share on print
Print

Грција ја поддржува потребата да се прифати име од предлозите на Нимиц, вели шефот на грчката дипломатија во изјава за дописниците од Грција во САД, по средбата со американскиот државен секретар Мајк Помпео.

 

„Ние ја поддржуваме потребата да прифатиме едно од имињата што ги предложи Нимиц, не се согласуваме, како што знаете, со петтото име од неговите предлози, и да одиме напред кон усвојување на еден стратешки план за пријателска соработка со оваа земја во иднина, со нејзиното ново име“, рече Коѕијас.

 

Никос Коѕијас, со оваа изјава индиректно го отфрла името „Република Илинденска Македонија“, исто како што Грција отфрли и еден од петте предлози на медијаторот односно името „Република Македонија (Скопје).

 

Грчката влада претходно го поздрави решението ерга омнес, нагласувајќи дека се направени позитивни чекори во преговорите со Македонија, но, оти двете страни се` уште имаат значителна разлика „пред да зборуваат за конечниот договор“.

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи