За време на викендот кој следува ќе имаме претежно стабилно и суво време, но ќе биде многу студено. Минималните температури на одредени места повторно ќе се спуштат и под -15 степени, додека максималните на повеќе места ќе бидат околу и под нулата, што дополнително ќе го задржи снегот во градовите и на планините.
Под влијание на нов влажен бран во понеделник ќе имаме нови врнежи од снег со слаб до умерен интензитет, со што ќе дојде до понатамошно зголемување на снежната покривка.
