Со македонски пасош без визи во 123 земји во светот

Граѓаните на Северна Македонија можат да посетат без визи 123 земји во светот, покажува извештајот за 2019 година на швајцарската консултантска компанија „Хенли енд партнерс“. Македонскиот пасош, според индексот на „Хенли енд партнерс“, е рангиран на 46-то место во светот.

 

Најдобро позиционирана земја во регионот е Грција на шестото место и со нејзин пасош без визи може да се оди во 183 држави.

 

Со словенечки пасош слободно се патува во 179 земји, со бугарски во 168, со хрватски во 167, со српски во 131, со црногорски во 122, со пасош на Босна и Херцеговина во 116, со албански во 113 земји, а со турски во 110 земји.

 

Најмоќни пасоши имаат Јапонија и Сингапур, и со нив може да се патува без виза во 189 земји во светот. Во една земја помалку можат да патуваат Германците, Финците и државјаните на Јужна Кореја.

 

На дното на листата се Сирија, Ирак и Авганистан, чии државјани можат слободно да патуваат само во 20-тина земји.

 

Швајцарската консултантска компанија „Хенли енд партнерс“ ги рангира пасошите по тоа колку земји може да се посетат без виза

 

 

Не е дозволено преземање на оваа содржина или на делови од неа, што се однесува на текст, фотографија и видео, без дозвола од редакцијата на ИНФО КОМПАС.

WP-Backgrounds Lite by InoPlugs Web Design and Juwelier Schönmann 1010 Wien