Регулаторна комисија за енергетика и водни услуги донесе одлука за нови цени на горивата од ноќеска на полноќ.
Малопродажните цени на бензините „еуросупер БС-95“ и „еуросупер БС-98“, се зголемуваат за половина денар за литар и со тоа малопродажната цена на „еуросупер БС-95“ изнесува 60 денари за литар, додека малопродажната цена на „еуросупер БС-98“ изнесува 62 денари за литар.
Малопродажната цена на „еуродизел“ се намалува за половина денар и со тоа малопродажната цена од ноќеска на полноќ изнесува 52,50 денари за литар.
Екстра-лесното масло за домаќинство се намалува за еден денар за литар и од полноќ истото ќе се продава по 52 денари за литар. Мазутот М-1 НС се намалува за 0,351 денари за килограм и од вечерва на полноќ ќе се продава за 25,709 денари за килограм.
