Фотосојузот на Македонија, кој годинава одебележува 75 години постоење, го објави конкурсот за 59. Денови на македонска фотографија.
„По една тешка и непредвидлива година во која успеавме да ја продолжиме традицијата на „Денови на македонска фотографија“ , еве не пред нов предизвик. Овогодишното 59то издание е пред нас и по 6 години повторно домаќин ќе ни бидат членовите на ФК Охрид. Со ситни корекции во пропозициите предизвикот за вас останува ист . Три категории, младинска конкуренција и награда Благој Дрнков. Проекции , дружење , изложба и награди за најдобрите. Ги очекуваме вашите фотографии“ – ИО на ДМФ.
На Конкурсот може да учествуваат професионални и фотографи аматери, а како и во изминатите години фокусот е на заокружената целина на фотографскиот процес или печатената форма (принтот).
1. Тема:
a) „Слободна“ за поединечни фотографии;
б) „Слободна“ за колекција;
в) „ Документарна“ фотографија.
Рокот за прием на фотографии е 15 април 2021 и за нив ќе одлучува жири во состав: Цветан Гавровски – мајстор на фотографија на Фотосојузот на Македонија, Душан Доцевски – кандидат мајстор на фотографија на Фотосојузот на Македонија и Мирослав Масин, академски ликовен уметник.
Завршната манифестација се планира да се одржи во Охрид од 29 мај до 1 јуни, согласно со здравствените протоколи за заштита и безбедност на сите учесници и посетители.
Повеќе информации за Конурсот може да се добијат на официјалната страница на Фото сојуз на Македонија.
