Денес времето во Македонија ќе биде променливо облачно со сончеви периоди и со локално провејување на снег. Само на некои пониски места ќе има услови за слаби врнежи од дожд и снег. Ќе дува умерен, повремено на некои места засилен ветер од северен правец. Максималната температура ќе се искачува во интервалот од 3 до 11 степени.
Од утре па натаму следува период на стабилно, суво и сончево време со мала до умерена локална облачност. Ќе дува слаб до умерен ветер од северен правец и истиот повремено на некои места ќе засилува. Минималните температури ќе се спуштаат во интервалот од -8 до 0 степени, додека максималните ќе бидат во постепен пораст, особено за време на викендот кога ќе се искачуваат во интервалот од 10 до 19 степени.
