Денес во Прилеп се одржа граѓанска еколошка акција за да се исчисти пределот на едно од најубавите места во Прилеп, „Маркови Кули“, впрочем по кое често го насловуваат нашиот убав град, Градот под Марковите Кули.
Прилепчаните кои го организираа настанот во кој можеше да се вклучи секој оној кој е еколошки свесен и си го сака градот порачуваат дека се надеваат дека настанот ќе претставува колективна инспирација за Чист Прилеп.
Во акцијата за чистење се вклучија и извидници од извидничкиот одред „Феникс“ кои секогаш се пример како треба да се однесувате кон природата.
„Земете си кеси и нараквици. Прилеп има моментално потреба од акција за чистење!
Почнуваме со Маркови Кули.
Прва цел ни е околу слончето.
Кој колку може… И 30мин да дојдете е добредојдено. Еден пакет кеси за ѓубре 10кеси е од 60 до 100ден. Малце и дружба, малце еко акција. Имаме вода изворска на 200м од слончето.
Нека покажат прилепчани дека се луѓе!
Настанов нека биди колективна инспирација да го видиме Прилеп чист“ – стои во описот на настанот кој беше споделен на ФБ.
Следни локации предвидени со оваа граѓанска еко акција се Селце и Волково.
Вклучете се и вие, поминете малку општо корисно време и покажете дека си го сакате градот и ја зачувувате природата. Природата за тоа ќе ви врати со сета раскош и убавина.
