Пар од Јужна Кореја ненамерно вандализирал слика од изложба откако претпоставиле дека се работи за партиципативно уметничко дело.
Младиот пар помислил дека платното, четките и бојата кои биле оставени под делото биле наменети за посетителите, па тие доцртале црна боја на сликата.
Графитот во Сеул, кој бил насликан во живо пред публика во 2016 година од американскиот уличен уметник „JonOne“, се проценува дека вреди околу 500 илјади долари.
Шефот на изложбата поставена во Светскиот центар Лоте, Канг Вук, за Ројтерс изјавил дека контактирале со авторот за враќање на сликата во првобитната состојба. Според него, против парот нема да поднесат пријава бидејќи ја оштетиле сликата ненамерно.
„Тие помислиле дека е дозволено да додаваат свој придонес за сликата, мислејќи дека станува збор за партиципативна уметност“, рекол Канг.
По инцидентот, организаторите на изложбата ставија жичена ограда околу сликата и го додадоа натписот „Не допирај“.
A young couple accidentally vandalized a painting worth about $500,000 at a gallery in Seoul, its exhibition head said on Friday. Footage showed the couple using acrylic paint and a brush that were part of a display near the artwork to splatter a new addition to the piece. pic.twitter.com/eYy0gsFHX3
— CBS News (@CBSNews) April 2, 2021
