Одговарајќи на новинарско прашање зошто токму сега се носат мерките, односно се зголемува полицискиот час и се затвораат рестораните, и дали одлуките се политички, министерот за здравство Венко Филипче рече дека мерките никогаш не биле политички мотивирани.
„Прво да кажам дека никогаш до сега, од лани кога почнавме со кризата, никогаш мерките не биле политички, секогаш сме поаѓале од заштита на здравјето на граѓаните. Многу фактори влијаат на носењето на мерките, а сметавме дека сега околу празниците е потребна таква мерка“, изјави Филипче.
Исто така, тој додава дека и досегашните мерки кои се носеле биле ефективни.
„Точно е дека вирусот е широко распространет, а дека мерките кои важеа досега се ефективни“, рече Филипче.
