Исланд е островска држава во северниот дел на Атлантскиот Океан. Се наоѓа северозападно од Велика Британија, до самиот Северен Поларен круг (површина 102.819 км2; 322.000 жит). Карактеристични за Исланд се гејзерите и вулканите (Хекла, Кванаталсхнукир и Ерајвајекидл).
Исланд e земјата на огнот и мразот и таа стана популарна дестинација за патувања во текот на последните неколку години. Од прекрасните глечери во земјата, громогласните водопади и епските природни ноќни прикази, лесно е да се разбере зошто патниците бегаат на работ на светот.
Постојат неколку карактеристики што ја прават оваа земја толку уникатна.
Исланд беше последното место на земјата населено од луѓето
Да се зачува најдоброто за крај? Исланд е една од најмладите копнени подрачја на планетата и беше едно од последните места на земјата што беше населено од луѓе. Изненадувачки, пред повеќе од 1100 години Викинзите од Норвешка случајно го открија Исланд.
Во главниот град живее повеќе од половина од вкупното население
Иако е многу мал, Рејкјавик е најсеверниот главен град во светот и е дом на повеќе од половина од исландското население. Овој шарен и необичен град е преполн со бројни ресторани, кафулиња, барови и музеи што го прави совршена дестинација за истражување пеш.
Многу Исланѓани веруваат во џуџиња и тролови
Верувањето во џуџиња, тролови и други мистични суштества потекнува од ерата на Викинзите. Приказните се во изобилство, затоа не заборавајте да одвоите малку време да разговарате со Исланѓанец за да слушнете приказна или две!
Може да пливате на отворено во топли извори во текот на целата година
Исландското искуство не е комплетно без капење во врел извор! Надворешното искуство со капење на отворено во вулкански загреани базени потекнува од времето на Викинзите. Жешките извори може да се најдат низ целата земја и ги има во сите големини и форми. Не смеете да го пропуштите ова искуство!
Имаат семафори со срциња
Во градот Акурејри, семафорите имаат срциња за црвеното светло. Наводно, овој проект бил реализиран во 2008-ма, за време на финансиската криза. Сакајќи да им го подобрат расположението на жителите, локалните власти го промениле изгледот на семафорите.
Членовите на едно семејство имаат разни презимиња
Кај нас, како и во многу други држави, децата го наследуваат презимето на таткото. Но, во Исланд, жената го задржува своето презиме. Детето ќе има презиме кое е составено од името на мајката или таткото, со додаден суфикс – „son“ за машки и „dottir“ за женски.
Родителите не можат да го крстат детето како што сакаат
Во Исланд постои комитет за избирање имиња, кој е основан во 1991 година. Комитетот изработил листа со имиња кои родителите можат да ги изберат за нивните деца. Ако родителите сакаат име кое не се наоѓа во листата, мораат да поднесат молба која комитетот мора да им ја одобри.
Апликација за запознавање која ќе ви каже ако некоја личност ви е роднина
Исланд е мал остров со население од околу 360.000 жители, па често луѓето се пврзани во роднинска врска, а можеби тоа не го знаат.Затоа, во Исланд била развиена апликација за запознавање, со која корисниците можат да проверат дали некоја личност им е роднина. Апликацијата користи податоци од национален веб-сајт на кој има податоци за сите Исланѓани.
Во Исланд можете да пливате помеѓу две тектонски плочи
Во Исланд се наоѓа единственото место на Земјата каде што можете да пливате помеѓу две тектонски плочи. Кога ќе застанете меѓу нив, вие ќе се наоѓате помеѓу тектонските плочи на 2 континенти и тоа Северна Америка и Евроазија.
Во Исланд беше избрана првата жена претседател во светот
Вигдис Финбогадотир е поранешна претседателка на Исланд, но и првата жена претседател во светот.
Држава со многу вулкани
Во Исланд има 130 вулкани, од кои 30-тина се активни.
Забрана за кучиња во Рејкјавик
Во периодот 1924-1948, во главниот град на Исланд имало забрана за кучиња. Односно, жителите не можеле да чуваат куче милениче. Причината е тоа што тој период бил откриен паразит кој го разнесувале кучињата. Овој паразит можел да предизвика слепило, па дури и смрт кај луѓето. Денес не постои ваква забрана, но локалните жители мораат да побараат дозвола ако сакаат да чуваат куче.
Нема комарци
Температурите во Исланд можат многу да се спуштат, а потоа нагло да пораснат, па ова им штети на комарците и скоро и да ги нема воопшто.
Можете да ја заобиколите цела држава за помалку од 24 часа
Патот познат како Ring Road е одличен за туристи. Тој обиколува целата држава и можете да го извозите со автомобил за нешто помалку од 24 часа.
