БиБиСи во петокот веднаш го расчисти дневниот програмски распоред откако беше објавена веста дека принцот Филип почина на 99-годишна возраст.
Сапунската опера „Истендерс“ и финалето на натпреварувачкото шоу „MasterChef“ беа заменети со вести, додека програмата на каналот БиБиСи 4 беше целосно прекината.
Заради тоа, пристигнале огромен број на поплаки. БиБиСи одби да го потврди бројот на поплаки засега, но се претпоставува дека се над 100 илјади. Деталите за поплаките официјално ќе бидат објавени во четврток.
Оваа бројка на поплаки може да се смета за најголем број на поплаки во историјата на медиумската куќа.
