Во славниот замок на Дракула во Трансилванија, Романија е поставен и ковид-центар и на посетителите им се нудат „Фајзер“ вакцини против ковид-19.
На оние кои ќе примат вакцина им се доделува сертификат во кој се пофалува нивната „смелост и одговорност” со ветување дека ќе бидат добредојдени во замокот „во наредните 100 години”, а при тоа им се нуди и бесплатна посета на „собата за тортура”.
Ова е дел од напорите на владата да ги поттикне романците да се вакцинираат во што е можно поголем број. Од почетокот на пандемијата, во Романија се регистрирани над 1 милион ковид дијагостицирани и околу 29 илјади починати.
Целта на Владата е да се вакцинираат 10 милиони луѓе до септември, но скоро половина од Романците не сакаат да примат вакцина. Сепак, постои надеж дека замокот Бран и неговата единствена иницијатива ќе го зголемат бројот на вакцинирани. Секој викенд во мај, оние кои ќе закажат вакцинација, ќе можат бесплатно да видат изложба на 52 справи за мачење.
