Ќе има нова цена на електричната енергија, барање за цени доставија и од МЕПСО, и ЕСМ, и МЕМО и ЕВН хоум, потврди претседателот на Регулаторната комисија за енергетика Марко Бислимовски во „Студио 10“ на ТВ24.
„Ќе има нова цена на електричната енергија, барање за цени доставија и од МЕПСО, и ЕСМ, и МЕМО и ЕВН хоум. Не можеме сега да кажеме дали ќе има поскапување на цената на електричната енергија, но кон крајот на наредната недела ќе го знаеме тој дел што го регулираме, колку ќе биде тарифата за пренос, тарифата за дистрибуција, и колку ќе биде за операторот на пазарот, а во зависност од цената што ќе ја понуди ЕСМ (поранешно ЕЛЕМ), Регулаторна трошокот ќе го преслика“, изјави Бислимовски.
МЕПСО бара зголемување на својата услуга за 143%, Електродистрибуција за дистрибуција бара зголемување за 0.95 %, а МЕМО бара зголемување на својата услуга за 45%. Според нивните барања, на сметка од 1.000 денари, сметката ќе се зголеми за 50 денари.
Сепак, според Бислимовски, нивните барања во целост нема да бидат прифатени.
