Актуелниот градоначалник на Прилеп, Илија Јованоски, вечерва уште еднаш повтори дека ја бара поддршката од СДСМ за втор градоначалнички мандат.
„Ја побарав поддршката од мојата партија и ако ја добијам ќе ја барам поддршката и од нашите граѓани, повторно од нашиот град, да се кандидирам за градоначалник на Општина Прилеп. Затоа што направивме како локална самоуправа многу, направивме многу капитални проекти, некои не се завршени и сакам тоа да го завршам во иднина. Во новата програма што ќе ја правам до почетокот на локалните избори ќе има многу нови проекти кои ќе ги претставам пред почетокот на локалните избори“, истакна Јованоски.
