Заев до Левица: Сакам да знам кој е проблемот во Законот за државјанство

Share on facebook
Facebook
Share on twitter
Twitter
Share on email
Email
Share on print
Print


Се трудиме на сите да им објасниме што е важно во однос на Законот за државјанство. Не слушам која е замерката од Левица. Би ја адресирал и би ја коментирал и би ја решил ако знам која е. Тие викаат не може, блокираме и готово. Сакам да знам кој е проблемот во законот. Ние седнавме заедно со двете најголеми опозициски партии од албанскиот блок, Алијанса за Албанците и Алтернатива и навистина во разумен дијалог најдовме решение, изјави денеска премиерот Зоран Заев во врска со најавата за блокада на Законот за државјанство.

„И сега го најдовме решението, а од друга страна Левица вика – блокираме. Иако е помала политичка партија, важно е да видиме кои се причините. Јас би ги разгледал, би апелирал за прифаќање, за се што треба да не ги блокираме законите. Некој чека, некој поради тоа не може социјална помош да земе, некој не може да си лечи детенце или самиот да се лечи поради тоа што нема државјанство и нема документи. Само тоа е целта, нема други цели“, рече Заев.

Премиерот додаде дека има граѓани во државата кои по закон треба да добијат државјанство, а не добиле и затоа, со новиот закон само се проширени критериумите и е олеснета постапката за да дојдат до овој документ.

„Тие се некои 15-16 нови критеируми, односно во постапката од 2003 или 2004 година,  ја вградивме европската регулатива, како се издава државјанство на вака сложени случаи кои имале проблем во нормална постапка за добивањето на државјанството“, изјави Заев.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи