Досега се приведени 17 лица, на разговор во станица повикани се уште 16 други за подметнување пожари, а веќе се поднесени три кривични и две прекршочни пријави, истакна министерот за внатрешни работи Оливер Спасовски.
„Сакам уште еднаш да им изразам благодарност на сите пожарникари во државата, на полициските службеници, посебно на припадниците на специјалната полиција кои беа деноноќно на терен, на припадниците на Армијата, а посебно признание заслужуваат сите солидарни граѓани коишто се вклучија во гасењето на оваа огнена стихија“, напиша Спасовски на Фејсбук.
Во статусот, Спасовски нагласува дека во координација со јавен обвинител се работи на расчистување на сите случаи.
