Заврши периодот на бесплатната патарина за српските туристи во знак на благодарност за можноста македонските граѓани да се вакцинираат против Ковид-19 во Белград, Ниш и Врање.
Близу 84.000 бесплатни електронски картички за плаќање патарина искористиле српските туристи кои транзитираа низ државава на патот кон Грција.
Во мај годинава Владата одлучи за српските возила што транзитираат низ Македонија во периодот од 15 јуни до 15 август да одвои околу 2,8 милиони евра за изготвување на 200.000 М Смарт картички. На секоја од нив имаше доволно средства за плаќање на патарините од Табановце до Гевгелија и назад, ги изготви ЈП за државни патишта, а на граничниот премин Табановце ги делеше полицијата.
Но, бројот на поделени картички беше помал, односно околу 83.959, со вкупна вредност од 1,2 милиона денари, со што неискористени останаа повеќе од 1,5 милиони од планираните средства.
