TrashTour доаѓа и во Прилеп. Се организира еко акција на излетничкото место Шаторов Камен. Акцијата е закажана за во четврток во 17 часот на бензинската ЛУКОИЛ на влезот на Прилеп од каде заедно со организаторите сите учесници ќе се упатат кон планираното место.
Организаторите ќе бидат помогнати од нашите прилепчани од Еко Свест Прилеп.
„Внимание, Прилепчани! TrashTour доаѓа и во вашиот град! Во Шаторов Камен имаме една незавидна ситуација. На убаво излетничко место е украсено со неубави парчиња ѓубре и отпад. Ќе дозволиме да остане така? Кога никој не презема акција, тука сме ние. Бидете и ВИЕ, а мотивирајте ги и другарите и другарките!
Овој пат наши партнери се Еко Свест Прилеп што значи акцијата ќе биде помоќна и ќе има повеќе дружење.
Се чекаме во Четврток, 17:00, кај ЛУКОИЛ на влезот на Прилеп. Од таму сите заедно се упатуваме кон планираното место и се впуштаме во акција. Не доцнете.
Точна локација: https://bit.ly/3mttbgK
Како и секогаш, ние носиме опрема за чистење (ракавици, ќеси, метли, гребла…) и музика, а вие понесете друштво и желба за промена! Не барајте човек за пример, бидете примерот!
Настанот е организиран во рамки на проектот „ЕКО ТУРНЕЈА Македонија – Не за ѓубре, да за акција“, финансиран од Фондацијата Отворено Општество Македонија“, стои во објавата за настанот на Фејсбук.
