Двете делници на експресниот пат Прилеп-Градско, првата од Градско до Дреново и втората од Дреново до Фариш се изградени по 35%. И на двете делници сега има нови изведувачи. Од Градско до Дреново сега гради австриски Штрабах, откако претходно Владата го раскина договорот со италијанската компанија „Тирена скави“, а од Дреново до Фариш изведбата ја презеде кинеската „Синохидро“откако и таму Владата го раскина договорот со претходниот изведувач, шпанската Рубау. Сега овој случај е на меѓународен суд. Ќе се рехабилитирал и сегашниот пат на Плетвар.
„Успеавме да ги надминеме сите настанати проблеми така што очекувам овој експресен пат да биде финиширан комплетно во средината на 2023 година. Започнуваме и со рехабилитација на целиот премин Плетвар. Во текот на наредните денови ќе започне комплетна рехабилитација на превојот Плетвар“, истакна Благој Бочварски, министер за Транпоспорт и врски.
„Ќе биде од огромно знамење за граѓаните, пред се за подобар економски развој на овие општини, пред се за товарниот и патничкиот сообраќај на овој регион, за кого што превојот Плетвер е голема пречка и ние секојдневно ја чувствуваме. Времетраењето за Скопје ќе се скрати сигурно за половина час, а пред се најважна ќе биде безбедноста на граѓаните при ова патување“, изјави Илија Јованоски, градоначалник на Прилеп.
Вкупната инвестиција за овој експресен пат изнесува 64 милиони евра, а освен овие 2 делници ќе треб а да се направи и проширување на Плетвар со трета лента онаку каде што ја нема и проширување на патот од Прилеп до Ленишка река. Ова е единствениот пат кој освен преку Скопје, ја спојува Источна со Западна Македонија.
„На растојание од само 10 км. на делницата од Дреново до Фариш, се градат 2 тунели, 21 мост, 5 подвозници, 11 потпорни ѕидови, 1 кружен тек на локалниот пат со клучка кај Дреново и еден вијадукт. Што само по себе зборува за каков тежок пристапен терен станува збор“, додаде Ејуп Рустеми, директор на ЈП за ДП.
„Она што нас како прилепчани особено не радува, а тоа е дека изведувачот, министерството за транспорт и врскии и ЈП за ДП, се со сериозен интензитет во изградбата и она што посебно не радува е рокот за крајната изведба на овој патен правец 2023 година и се надеваме дека повеќе нема да има проблеми“, вели Миле Талески, пратеник од Прилеп.
Министерот за транспорт и врски истакна дека моментално изградбата на автопатот Кичево Охрид е во застој затоа што договорот за градба завршил во јуни, а Собранието се уште го нема усвоено 4 анекс за продолжување на рокот за изградба со кинеската Синохидро според кој ќе се предвиди дека автопатот треба да биде готов до декември 2023 година.
