Еден ученик од Велес и еден ученик од Скопје се позитивни на ковид-19, но и двете деца не биле во контакт со многу луѓе, рече министерот за здравство Венко Филипче на денешната прес-конференција.
„Бројките досега покажуваат дека е навистина мал бројот на ученици кои се заболени. До крајот на минатата недела во четири скопски општини во по две училишта во секоја од општините по едно заразено дете со мал број на контакти според епидемиолошките анкети. Денеска дополнително уште два ученика, еден од Велес и тоа за прв пат во внатрешноста и во уште едно училиште тука во Скопје што значи дека навистина е мал бројот на деца кои до сега се евидентирани дека заболеле“ изјави министерот за здравство.
