Заев: Расте платата, стигнува до 30.000 денари

Share on facebook
Facebook
Share on twitter
Twitter
Share on email
Email
Share on print
Print


Првиот човек на Владата, Зоран Заев преку социјалната мрежа фејсбук сподели податоци, кои, како што вели, покажуваат дека македонската економија е стабилна и развојна.

„Расте просечната плата. Во јули годинава просечната исплатена нето-плата по вработен изнесуваше 28.540 денари и е поголема за 4,8% во споредба со истиот месец лани, односно за 1.308 денари.

Континуираниот раст на платите, е резултат на економските мерки и политики што ги спроведува Владата за раст на просечната и на минималната плата.

Просечната плата се движи кон 30.000 денари, остануваме посветени на реализација на стапките на економски раст од 4-5% и на покачување на платите за 20% до 30%, сѐ со цел подобрување на стандардот на граѓаните и економијата во земјата.

Покрај растот на просечната плата, бележиме и раст на извозот, рекордна економска активност во индустриските зони и историски пад на невработеноста.

Сите овие податоци покажуваат дека македонската економија е стабилна и развојна“, напиша Заев.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи