Аудио касета на која се наоѓа разговор со Џон Ленон и Јоко Оно, но и досега необјавена песна се продава на аукција во Данска.
Лентата на која се наоѓа 33 минутна снимка, но и песната Radio peace е снимена од страна на 4 момчиња во 1970 година, неколку месеци пред Битлси да ја објават разделбата. Се работи за снимено интервју, кое парот го дал за потребите на училишен проект, односно списание.
„Ние бевме само група на 16-годишни хипици, заинтересирани за мировните кампањи на Ленон и Оно“, вели Карстен Хоејен кој ја направил снимката.
Куќата „Брун Расмусен“ која ја става снимката на аукција проценува дека вредноста на касетата е меѓу 25 и 40 илјади евра, и се верува дека ќе заврши во некој музеј или ќе биде избор на некој колекционер.
