Од средината на следната година да се обезбеди бесплатен „WIFI “интернет на јавните површини низ државата каде најмногу се движат туристите, одлучи Владата.
Листата на локации до крајот на годинава ќе ги предлага јавното претпријатие Национална радиодифуција Скопје, како носител на проектот, а во соработка со Министерството за информатичко општество и Агенцијата за промоција и поддршка на туризмот и локалните самоуправи.
„До крајот на оваа 2021 година институциите кои ги спомнав треба да подготват листа на локации и површини да се има бесплатен државен WiFi, а потоа другите надлежни инстутиции да водат постапка и до крајот анаприл 2022 да имаме точни информации за локации каде има WiFi“, изјави Мухамед Хоџа – Портпарол на Владата.
