Стеваноски до СДСМ: Прво да се извините што 90% од вашата претходна програма не е реализирана, па потоа ветувајте нови проекти

Share on facebook
Facebook
Share on twitter
Twitter
Share on email
Email
Share on print
Print


Проектот МЛАДИНСКИ КУЛТУРЕН ЦЕНТАР Прилеп не е проект кој се реализира со цигли и бетон бе дечки. И без тоа Прилеп има повеќе од доволно инфраструктурни можности кои треба само да се отстапат за таква намена. Вели во денешната реакција кандидатот за градоначалник на граѓанската иницијатива ЧЕ ВРЕДИ, која што доаѓа на прес конференцијата на СДСМ, дека ќе градат Младински културен центар.

„Тоа е проект кој има за цел да ги поттикне основните и средните образовни вон наставни активности на младите, да даде можности на неформалните поединци и групи и невладиниот сектор за да ги подготват и презентираат своите идеи и проекти, да се натпреваруваат во тоа кој подобар нуди. А не проект од бетон и цигли за кој потоа Вие ќе си ги вадите очите кој побргу да го запоседне.

Тоа е проект преку кој треба се реализираат и сите останати културни настани во Прилеп, за да се спречи досегашното селективно доделување на средства од програмата за култура од страна на оваа и било која друга идна власт, за тие да бидат поквалитетни, подобри и независни од партиската боја.

Патем, нели и мултифункционалниот затворен базен предвидува идентична инфраструктура како оваа, па нели е премногу на едно неисполнето да ветувате и второ кое патем, формално правно невозможно е да се реализира со оглед на дејноста и надлежноста под која функционира Работничкиот универзитет „Пере Тошев“.

На некој долго пред Вас му има текнато да се интересира за можностите со “Пере Тошев” и ако беше можно немаше да чекаме Вие да ни ги кажете.

Дечки, отворете ја старата програма за локални избори 2017/2021 на Илија Јованоски и излезете на пресс, најпрвин јавно извинете се за тоа што таа не е реализирана во добри 90% и побарајте ја довербата на Прилепчани со ветување дека Вие ќе направите обид да го реализирате претходно ветеното.

Така е подостоинствено и подобро да се настапи. Верувајте, само така ЧЕ БИДИ нешто од Вас“, истакна Стеваноски.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи