Македонија останува посветена на глобалната хуманитарна акција која има за цел да им помогне на граѓаните од Авганистан, кои во изминатиов период работеа на подобрување на човековите права, демократијата и мирот.
Денеска на Скопскиот аеродром пристигнаа уште 97 граѓани од Авганистан. Тие ќе бидат привремено сместени во Македонија додека не се обезбеди трансфер до нивната крајна дестинација, соопштуваат од Владата.
Како што информираат, трошоците за оваа група ќе бидат целосно покриени од Националниот демократски институт за меѓународни работи.
По слетувањето беше спроведена стандардната процедура, безбедносна проверка и заштита, ПЦР тест и можност за вакцина, а беше обезбедена и медицинска поддршка како и неопходната помош од Црвениот крст.
