Наместо да се слика со здравствените работници, Јовчески требаше да им помогне во борбата со Ковид 19

Share on facebook
Facebook
Share on twitter
Twitter
Share on email
Email
Share on print
Print


Кога состанокот на кандидатот за градоначалник на ВМРО-ДПМНЕ, Борче Јовчески, со 7-8 партиски активисти од сферата на здравството ќе се прикаже како „средба со лекарите од нашиот град“, тоа е најдобар показател до кој степен е стигнат очајот во партијата која и после 17-ти октомври ќе остане опозиција. Се вели во најновата реакција на ОО СДСМ Приелеп.

„Лекарите од нашиот град добро знаат кој го врати достоинството на нивната професија, а кој ги нарекуваше „убијци“. Токму затоа тие денеска одбија да се сретнат со Јовчески и со Мицкоски.

Во најтешките денови на пандемијата на Kовид-19, кога стотици наши сограѓани водеа животна битка со подмолната болест, кога преморените здравствени работници со крајни напори се бореа за секој човечки живот, ВМРО-ДПМНЕ тврдеше дека вирусот не постои и водеше антиваксерска кампања.

Во истиот тој период, кога вклучувањето на секој лекар од приватното здравство во справувањето со пандемијата беше добредојдено, Борче Јовчески не се одзва на апелот и не им помогна ниту на своите колеги од јавното здравство, ниту на граѓаните заболени од коронавирусот.

Хипократовата заклетва и лекарската етика на доктор Борче Јовчески, паднаа на првиот испит!“, велат од ОО на СДСМ Прилеп.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи