Синдикатот на полицијата во Македонија (СПМ) преку соопштение прашува зошто во новиот предлог-буџет не е предвидено покачување на платите за полицијата.
„Она што не загрижува како Синдикат е тоа што веруваме дека вработените во МВР заслужуваат многу повеќе од предвидените ништо денари кои ги предлага Владата со ребалансот на буџетот. Барем да предвидовте исто колку и здравствените работници, како награда за секојдневниот ризик кој го преземаат работниците во Министерството за внатрешни работи“, се наведува меѓу другото во пишаната реакција од СПМ.
Со предлог буџетот што го објави владата се најавува зголемување на платите на судиите, обвинителите, здравствените работници, инспекторите, наставниците, вработените во културата.
