За време на работната посета на Брисел ја пренесов порака дека понатамошното одложување на почетокот на преговорите со Европската унија ќе има негативно влијание не само врз Македонија, туку врз целиот регион, напиша утрово на Фејсбук министерот за правда Бојан Маричиќ.
„На состанокот со еврокомесарот за проширување Оливер Вархеји повторив дека сите реформи кои беа побарани од нас како држава за почеток на преговорите се спроведени, вклучително и оние во правосудството“, пишува Маричиќ.
Исто така, министерот одржал работен состанок со еврокомесарот за правда Дидие Рејндерс.
„Во Европската комисија одржав работен состанок и со еврокомесарот за правда Дидие Рејндерс на кој му ги претставив реформите кои во моментот ги прави Владата во однос на владеењето на правото. Се сложивме дека е потребно темпото на реформи да се задржи, а отворањето на преговорите со ЕУ ќе биде само дополнителен катализатор на истите“, додава Маричиќ.
