Како дел од проектот „Европски сојуз за поддршка на волонтери“ финансиран од Европска Унија, тимот на ЦГИ Прилеп заедно со претставници на организации од Албанија, Бугарија, Хрватска, Словенија и Латвија имаа можност да се сретнат со претставници на општината Лусада од Португалија.
Претставниците од општината ги презентираа своите проекти, а потоа и објаснуваа за нивната стратегија и организираност по однос на зачувување на животната средина. Инаку, Општина Лусада е една од подбро организираните општини во Европа кога станува збор за активности и проекти поврзани со зачувување на животната средина, соработка со граѓански организации и особено добрите стратегии за волонтеризам, а многу Европски земји праќаат и свои претставници во оваа општина за да ги научат нивните стратегии кои се отворени за јавноста.
На гостите им беше претставен и начинот на кој Општина Лусада собира и организира волонтери кои доаѓаат не само од Португалија, туку од целиот свет. Како волонтер може да се пријави било кој, а обезбедено им е сместување и храна, но не добиваат пари, сепак Општина Лусада има повеќе од 9000 волонтери годишно. Иако за оваа стратегија е потребна инвестиција, резултатот од работата на волонтерите секогаш придонесува позитивно кон економијата на општината.
Оваа општина е пример за хармонија, труд и добра организација и навистина вреди да се посети.
Автор : Центар за грраѓанска иницијатива Прилеп.
