Министерката за регионален развој и јавни работи на Бугарија Виолета Комитова денеска на прес конференција ги презентираше резултатите од увидот на патниот правец Драгичево – Долна Дикања, делница на која се случи автобуската несреќа во која загинаа 45 граѓани на Македонија.
Автопатот „Струма“ каде се случи автобуската несреќа имал недостатоци, но тие не се причина за несреќата во која загинаа 45 луѓе.
„Не можеме да тврдиме дека зголемувањето на максималната брзина од 120 километри на час е главната причина за несреќата. Грубоста на површината на патот е во прилично добра состојба. Во однос на заштитната ограда наречена „рибна опашка“ истата ги исполнува стандардите. Наводно, несреќата не била со голема брзина, но избувнал пожар. Имаме многу чуден настан – пожар, што мислам дека е главната причина за жртвите. Немаме објаснување како точно изгоре овој автобус“, изјави Комитова.
