Министерката за образование Мила Царовска на прашање дали ќе биде дел од новата влада одговори дека нема да биде дел од новата влада на идниот премиер Димитар Ковачевски.
„Јас донесов одлука да не учествувам во новата влада со новиот мандатар. Во изминатите пет години заедно со мојот тим, навистина испорачавме политики во интерес на граѓаните. Јас продолжувам да се борам и да застапувам за истите вредности и за истите политики и навистина верувам во капацитетот и силата на државата како и силата на жените и младите“, одговори Царовска.
Таа е министер за образование од август 2020 година. Претходно го предводеше Министерството за труд и социјала.
