Божиќ, 25 декември по Грегоријанскиот календар го прославуваат Римокатоличката црква, протестантските цркви како и некои православни цркви кои прифатиле ново сметање на времето.
Во христијанството се верува дека Христовото раѓање донело светлост на вистината за човековиот род и дека со тој настан е исполнето старозаветното пророштво за раѓање на Спасителот.
На Бадник, што е и името на дрвото кое се пали на огништето, верниците ја украсуваат куќата за Божиќ, ја украсуваат елката и се подготвуваат за Бадник или полноќ, миса со која започнува Божиќ. Се пеат божиќни песни како „Радувајте се нации“ и „Тивка ноќ“ и други. По мисата, верниците си честитаат Божиќ. Некогаш, момчињата им давале јаболка на девојчињата, а потоа си оделе дома и семејството го поминувало Божиќ во молитва, песна, игра и радост.
Името „Бадник“ се поврзува со зборот бдеење, бидејќи на тој ден, според традицијата, луѓето бдееле чекајќи го раѓањето на Исус, а Бадник поминува во мир и тишина, на свеќи.
Секоја земја си има свои традиции.
Велика Британија
Дедо Мраз на 25 декември носи подароци низ оџаците, а за тоа време Британците уживаат во мисирка подготвена на англиски начин, но и во божиќниот пудинг и „mince pies“ тортици од лиснато тесто полнети со суво овошје. Британците во текот на божиќното славење посетуваат и т.н. „пантомими‟ луди изведби на бајки или историски настани. По повод празникот има многу светлечки украси на улиците и плоштадите. Година поради пандемијата од коронавирус, насекаде во светот се забранети групирањата.
Франција
Врвот на Бадник, т.е. на божиќното славење е Le Revellion, т.е. божиќниот оброк. La Buche de Noel, чоколаден бисквит ролат во облик на стебло, сместено пред накитената елка, го симболизира стеблото од дамнешни времиња. Тука истото тоа стебло во дамнешни времиња го палеле со цел со светлината да ги истераат духовите. Но, кога веќе постојано ја спомнуваме накитената елка, треба да напишеме и кој прв ја поставил! Првата елка светнала во покраината Алзас во почетокот на 17 век. Во 1840 година војвотката Орлеанка го пренела божикното дрвце во Париз. Француските деца на Бадник покрај каминот оставаат чисти чевли и едвај чекаат да помине ноќта, затоа што наутро на Божиќ ќе најдат подароци во нив!
Италија
Според католичкиот обичај 24 часа пред Бадната вечер треба строго да се пости. По заоѓање на сонцето пукањето од топот на Castel S. Angelo во Рим, го означува почетокот на празникот. Во 21 часот во црквите почнува света миса. По мисата се пристапува на празничен оброк во кругот на семејството.
