Со многу висока веројатност во 2022 година во Македонија би требало да се збогуваме со пандемијата, изјави доктор Драган Даниловски во гостувањето во Студио 10 на ТВ24.
„Кога се појави на крајот на ноември сите бевме на штрек. Се покажа дека има вкупно 60 мутации.. Како дезинформации се покажаа вестите дека е 500 пати, или 70 пати позаразен. Четири пати позаразен е и помалку опасен. 80 пати помала е веројатноста да завршите во болница. Најчести симптоми се болки во грло, течење на носот и главоболка. Сепак имаме работа со поблаг вирус“, изјави Даниловски.
