И утринава со засилени полициски единици, кучиња трагачи и голем број доброволци продолжува потрагата по 10 годишниот Петар Џобески, кој исчезна на 25.02. Според исказите на родителите, последен пат бил виден попладнето околу 16 часот кога после тоа му се губи секаква трага.
„Завртив каде што мислам дека оди по вода, завртив еднаш со викање и видов дека нема ни пискање ни викање нити плачење, се вратив и и реков на жената дека ќе земам нешто палтенца и дека ќе одам по патот да го барам на кај реката, а таа да оди нагоре да не е појдено некаде нагоре по патот, со машкото дете поголемото да бараат и тоа ми беше тука. Кога не го најдовме повикавме полиција“, истакна вчера за Инфо Компас, Стојо Џобески, татко на исчезнатото дете.
Се повикуваат сите кои имаат теренски возила и кои сакаат да помогнат да отидат во селото Врбско и со себе да понесат храна и вода.
